სახარებაჲ ლუკაჲსი 22:40

[თ. 22; მ. 1-6]

1. და მოახლებულ იყო დღესასწაული იგი უცომოებისაჲ, რომელსა ჰრქჳან პასქაჲ. 2. და ეძიებდეს მას მღდელთ-მოძღუარნი იგი და მწიგნობარნი, რაჲთამცა მოკლეს იგი, ხოლო ეშინოდა ერისა მას. 3. და შეუჴდა ეშმაკი იუდას, რომელსა ერქუა ისკარიოტელ და იყო იგი რიცხჳსაგან ათორმეტთაჲსა. 4. და მივიდა, ეზრახა მღდელთ-მოძღუართა და მწიგნობართა და ერისა წინამძღუართა, ვითარმცა იგი მისცა მათ. 5. ხოლო მათ განიხარეს და აღუთქუეს მას ვეცხლი მიცემად. 6. და აღუვარა მათ და ეძიებდა ჟამსა მარჯუესა, რაჲთა მისცეს იგი მათ თჳნიერ ერისა.

მწიგნობარნი ეძიებდნენ მის (იესოს) მოკვლას. რამდენადაც მოახლოებული იყო პასექის დღესასწაული და ისინი, ამიტომ, ხედავდნენ საფრთხეს თავისთვის იმაში, რომ ხალხი უნდა შეკრებილიყო, განსაკუთრებით კი დღესასწაულის დროს, ამდენად ისინი ეძიებდნენ ხერხს, თუ, ბოლოსდაბოლოს, როგორ მოეკლათ იგი ისე, რომ ყოველგვარი საფრთხე აეცილებინათ თავიდან. სატანა კი შევიდა იუდაში, „და იყო იგი რიცხვისაგან ათორმეტისა“, ანუ ერთ-ერთი მასთან მიახლოებული და გულწრფელ მოწაფეთაგან. ნურავის ექნება საკუთარი თავის იმედი, არამედ ყურადღებით იყავი შენი ცხოვრების მიმართ...

...აკეთებდა: ხან უკან იხევდა, ხან კი ჭეშმარიტების სიტყვის მოწინააღმდეგეებს შეებრძოლებოდა. ამას ქრისტეც აკეთებდა და გვასწავლიდა; ეს ჩვენც უნდა ვაკეთოთ: ზედმიწევნით ვიცოდეთ ჟამთა შესაფერისობა და, იმ სახარებისეული სიტყვისამებრ, ვილოცოთ: „ილოცევდით, რაჲთა არა შეხჳდეთ განსაცდელსა“ (ლუკ 22:40); ხოლო როცა განსაცდელი მოვა, ნუ მოვდუნდებით, არამედ მხნედ დავდგეთ.

„შემწე ჭირთა შინა, რომელთა მპოვნეს ჩუენ ფრიად“ (ფსალმ 45:2). რასაც ხშირად ვამბობდი, იმას ახლაც ვამბობ. იგი არ უშლის ჭირთ მოსვლას, არამედ, როცა ისინი მოვა, გვერდით გვიდგება და სასარგებლო და გამოცდაგამოვლილ ადამიანებად გვაყალიბებს. ხოლო „ფრიად“ სიტყვა „შემწეს“ უნდა მივაკუთვნოთ. რადგან იგი შემთხვევით როდი გვეწევა, არამედ გარდამეტებით, და თანაშეწევნით უფრო მეტ ნუგეშს გვაძლევს, ვიდრე ჭირთაგან მომდინარე ტკივილია. რადგან რამდენსაც საშინელებათა ბუნება მოითხოვს, იმდენ შეწევნას კი არ გვანიჭებს, არამედ გაცილებ...

...ს, რათა ერთ დღეში ორი, სამი, ათი და ოციც კი საფეხური აიარო. „უფალო, იჴსენ სული ჩემი ბაგეთაგან ცრუთა და ენისა მზაკუარისაგან“ (ფსალმ 119:2). აქ იხილე, როგორ ბრწყინავს ის სახარებისეული მცნება: „ილოცევდით, რაჲთა არა შეხჳდეთ განსაცდელსა“ (ლუკ 22:40). რადგან, საყვარელო, ამ განსაცდელს არაფერი შეედრება - მზაკვარი კაცის ხელში ჩავარდნას; ასეთი კაცი მხეცზე უფრო სასტიკიც არის. რადგან მხეცი რაც არის, იმადვე ჩანს; ეს კი ხშირად სიმშვიდის საფარველით მალავს შხამს, ისე რომ მახე ძნელად შესამჩნევი ხდება და მასში ჩავარდნილი გაუფრთხილებლად უფსკრულში ვარდება. ამიტომ განუწყვეტლივ, კვლავ და კვლავ, ამას ევედრება ღმერთს: ამგვარი მზრახველებისგან გათავისუფლდეს. თუ მზაკვრებსა და ფარულად მზრახველებს უნდა გავურბოდეთ, მით უფრო - მატყუარებსა და ბოროტი დოგმატების შემომტანებს. განსაკუთრებით კი უსამართლო ბაგეებს ვინმე იმ ბაგეებს უწოდებდა, რომლებიც სათნოებას ვნებენ და ბოროტებისკენ მიჰყავთ....

...ან რა ავნო პავლეს იმ საპყრობილეთა, წაყვანათა, სიკვდილთა, ზღვის დანთქმათა და სხვა განსაცდელთა ქარბუქებმა, რომელთა სიტყვით ჩამოთვლაც კი შეუძლებელია?

ამ ყოველივეს რომ გავიაზრებთ, ბოროტებას გავექცეთ და სათნოებას ვესწრაფოთ; ვილოცოთ, რომ „არ შევიდეთ განსაცდელში“ (ლუკ 22:40; მათ 26:41).¹¹ ხოლო თუ ოდესმე მასში ჩავვარდებით, არ მოვდუნდეთ და არ დავმძიმდეთ. რადგან ესეც სათნოების იარაღებია მათთვის, ვინც მათ ჯეროვნად იყენებს, და თუ ვიფხიზლებთ, შევძლებთ ყოველივეში კეთილად გამოვჩნდეთ და საუკუნო სიკეთეებით დავტკბეთ.¹²

ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.

სათარგმნო შენიშვნები

1. ესაია 45:7-ის სრული ძველი ქართული კორპუსული ფორმა სხვაგვარად არის დალაგებული; აქ ციტატა ოქროპირის ბერძნულ მოკლე ფორ...