2 კორინთელთა მიმართ 6:8

თარგმანი: ესეცა მათვე მარჯუენეთა და მარცხენეთაგანნი არიან, რაჟამს მაცთურ სახელ-ედებოდის მაცხოვარსა სულთასა, და უცნაურ იწოდებოდის შესწავებული იგი კაცთა შორის, ვიეთგანმე ესრეთ, და ვიეთგანმე ესრეთ, ხოლო იგი ორსავე მარჯუენედ და საჭურველად სიმართლისა იჴუმევდეს; არცა მას ზედა აღზუავებითა, და არცა ამას შინა სულმოკლებითა; ესე იგი არიან ქებანი და გინებანი.

...ასე არ არის; რადგან დაუძრახავი ცხოვრების მქონეს ისინიც კი პატივს სცემენ. როგორ? — იტყვის ვინმე. მოისმინე, როგორ ამბობს პავლე თავის თავზე: „გმობითა და ქებითა“ (2 კორ 6:8). რადგან მოციქულთა ცხოვრებაში მოსაჭიდს კი არ პოულობდნენ, არამედ ქადაგებაში; ამიტომ ამბობს: „გმობითა“ (2 კორ 6:8). ქადაგების გამო მათ ცილს სწამებდნენ, როგორც „მაცთურნი“ (2 კორ 6:8) და გრძნეულნი. ამასაც იმიტომ აკეთებდნენ, რომ მათ ცხოვრებაში მოსაჭიდს ვერაფერს პოულობდნენ. აბა რატომ არავის უთქვამს მოციქულებზე, რომ მეძავნი, აღვირახსნილნი და მომხვეჭელნი იყვნენ, არამედ მხოლოდ „მაცთურნი“, რაც მარტო ქადაგებას ეხებოდა? განა არა იმიტომ, რომ დაუძრახავი ცხოვრება ჰქონდათ? ცხადია, ასეა.

ამგვ...