წინასწარმეტყველება იერემიასი 5:8

...ვინც ასეთი დიდი კეთილშობილება ბოროტებას გადასცა და იმ პირუტყვთა ვნებებისკენ ნებაყოფლობით გადავიდა. ასევე იქცევიან სხვა წინასწარმეტყველნიც, როცა შედარების გზით ურცხვი მსმენლის შერცხვენა სურთ. ერთი ამბობს: „ცხენებ დედალთმბორგელ იქმნენ“ (იერ 5:8); მეორე კი: „იცნა ჴარმან მომგებელი, და ვირმან ბაგა უფლისა თვისისა“ (ესაია 1:3), და ასე დავითზე უფრო მკაცრად ლაპარაკობს. დავითი ხომ ამბობს: „ჰბაძვიდა იგი პირუტყუთა უგუნურთა და მიემსგავსა მათ“ (ფსალმ 48:13); ის კი ამბობს, რომ ამათზე უგუნურნიც გახდნენ: რადგან იმ პირუტყვებმა იცნეს მომგებელი, ხოლო „ისრაჱლმან მე არა მიცნა“ (ესაია 1:3), ამბობს იგი.

8. ბოროტი გზის საცთური და თვითქება

სხვაგანაც კიდევ ერთი ბრძენი კაცი ზარმაც, მოდუნებულ და უქმობით გახრწნილ ადამიანს ჭიანჭველებზეც უარესად წარმოაჩენს; შრომისმოყვარეობის სასწავლად მას ჭიანჭველასთან აგზავნის და ეუბნება: „იქმენ, ვითარცა ჯინჭველი, ჵ, მცონარო, და ჰბაძევდ გზათა მისთა“ (...

...რადგან ისინი მამათა მცემელნიც იყვნენ, შვილთა მკვლელნიც, კერპთაყვანისმცემელნიც და ანგარების მოყვარენიც; წინასწარმეტყველებანი კი ამით არის სავსე.

თქვენს ავხორცობას იერემია აცხადებდა და ამბობდა: „ცხენებ დედალთმბორგელ იქმნენ, თითოეული ცოლსა მოყუსისა თჳსისასა შეჰჴჳოდა“ (იერ 5:8). ამ უწმინდურებაზე უარესი რა არის? რადგან ისინი ადამიანებივით კი არ უახლოვდებოდნენ ერთმანეთის ცოლებს; ამიტომ მათი მძვინვარება ჭიხვინად უწოდა. და მათ მხოლოდ სიძვას კი არა, მრუშობასაც აბრალებს, თანაც დაუფარავად ჩადენილს, როგორც უგუნურ პირუტყვებში ხდება. სხვა წინასწარმეტყველი კი ამბობს: „შესამოსელთა მათთა მომბმელნი საბლებისანი კრეტსაბმელებად ჰყოფდეს“ (ამოს 2:8), და: „ძე და მამაჲ მისი შევიდოდეს მისვე მჴევლისა მიმართ“ (ამოს 2:7). მაშ ამისთვის გამოგგზავნათ მოძღვრებად, მითხარი, რათა ჩვენ სიძვა და მრუშობა ვისწავლოთ, და ისიც, რომ მამასა და ძეს ერთი და იგივე სარეცელი უნდა ჰქონდეთ? და რას ამბობს ეზეკიელი? ამბობს: **„...

...თი ბუნების კეთილშობილება დაღუპეს და ადამიანებიდან უგუნურ ცხოველთა მდგომარეობამდე დაეცნენ. ხოლო რომ ადამიანებსაც, გონიერ არსებებს, როცა ისინი უღმრთოებისკენ გადაიხრებიან და უგუნურ ვნებათა ტყვეობაში ჩავარდებიან, საღვთო წერილი მხეცთა სახელებს აძლევს, ისმინე, როგორ ამბობს ერთ ადგილას: „ცხენებ დედალთმბორგელ იქმნენ" (იერ 5:8). შეხედე, როგორ ზღვარგადასულ გარყვნილობის გამო უტყვის სახელს აძლევს (ადამიანს). სხვაგან კი: „გესლი ასპიტთა ბაგეთა მათთა" (ფსალმ 139:4). აქ მათ გულისხმობს, ვინც ამ მხეცის (ასპიტის) მზაკვრობასა და ეშმაკობას მიბაძავენ. კვლავ სხვებს მუნჯ ძაღლებს უწოდებს (ეს 56:10–11) და კვლავ ამბობს: „ვითარცა ასპიტსა ყრუსა, რომელსა დაეყუნიან ყურნი მისნი" (ფსალმ 57:5), მათ გულისხმობს რა, ვინც სათნოების სწავლებისთვის ყურებს იხშობენ. ბევრი სახელი შეიძლება იპოვო, რომლებსაც საღვთო წერილი ადამიანებს აძლევს, რომლებიც დაუდევრობით საქონლის ვნებებში ჩავარდნენ. ეს არა მხოლოდ ძველ აღთქმაში, არამედ ახალშიც ჩანს. ისმინე, რას ეუბნება იოანე ნათლისმცემელი იუდეველებს: „ნაშობნო იქედნეთანო, ვინ გიჩუენა თქუენ სივლტოლაჲ მერმისა მისგან რისხვისა?" (მათ 3:7...

...ყვ ცხოველთა სახელებს აძლევს, ხშირად მხეცებისასაც კი. ასე, ხან ძაღლებს უწოდებს მათ, უსირცხვილობისა და თავხედობისთვის: „ძაღლებ უჴმო, ვერშემძლებელნი ყეფად" (ესაია 56:10); ხან ცხენებს, ავხორცობისთვის: „ცხენებ დედალთმბორგელ იქმნენ, თითოეული ცოლსა მოყუსისა თჳსისასა შეჰჴჳოდა" (იერ 5:8); ხან სახედრებს, უგუნურებისა და სისულელისთვის: „ჰბაძვიდა იგი პირუტყუთა უგუნურთა და მიემსგავსა მათ" (ფსალმ 48:13); ხან ლომებსა და ავაზებს, ხარბობისა და მტაცებლობისთვის; ხან ასპიტებს, ვერაგობისთვის: „გესლი, — ამბობს, — ასპიტთა ბაგეთა მათთა" (ფსალმ 139:4); ხან გველებსა და იქედნეებს, შხამიანობისა და ბოროტებისთვის, როგორც ნეტარი იოანეც ღაღადებდა: „ნაშობნო იქედნეთანო, ვინ გიჩუენა თქუენ სივლტოლაჲ მერმისა მისგან რისხვისა" (მათ 3:7)? სხვა, ვნებების შესაბამის სახელებსაც აძლევს ადამიანებს, რომ ამით მაინც შერცხვეთ და ოდესმე (ადამიანთათვის) თანდაყოლილ კეთილშობილებას დაუბრუნდნენ, თავიანთ ძმებთან შერიგდნენ და ღვთის სჯულს უპირატესობა მიანიჭონ იმ ვნებებზე, რომელთაც უზრუნველობით მიეცნენ.

4. ადამიანის შექმნა მტვრისგან (2:7...