ფსალმუნნი 35:7

...მისი ცოდნაც საკვირველია; ამიტომაც ამბობდა: „საკჳრველ იქმნა ცნობაჲ შენი ჩემგან; განძლიერდა და ვერ შეუძლო მას“ (ფსალმ 138:6). მისი განკითხვანიც კვლავ გამოუძიებელია; ამიტომაც ამბობდა: „და განკითხვანი შენნი უფსკრულ მრავალ“ (ფსალმ 35:7).

2. მშვიდთა შეწყნარება და ღმრთის წყალობის მოლოდინი

ამრიგად, როცა იგი დიდიც არის, ძლიერიც და გონიერიც, ზედმეტად ნუ გამოიძიებ, როგორ აღსრულდება ეს. „შეიწყნარნის მშჳდნი უფალმან, ხოლო დაამდაბლნის ცოდვილნი მიწადმდე“ (ფსალმ 146:6). რათა უგუნურთაგან ზოგიერთმა არ თქვას: „ჩვენ რა გვერგება იმით, რომ იგი ვარსკვლავებს ზედმიწევნით იცნობს?“ ამიტომ ადამიანებზე მის მზრუნველობასაც ასეთს წარმოაჩენს: არ უთქვამს, „უფალი მშვიდებს ეხმარება“, არამედ ბევრად უფრო დიდი რამ თქვა: „შეიწყნარებს“, თითქოს მოსიყვარულე მამაზე საუბრობდეს. რას ნიშნავს „შეიწყნარებს“? აღადგენს, ატარებს, იტვირთავს. ხე...

...ყველანი ანგარიშს აბარებენ. მაშ, აქ სიმართლის ძიება ასეა განფენილი ქალაქშიც, სახლებშიც და თითოეულ ადამიანთანაც; ხოლო იქ, სადაც წერია: „სიმართლითა სავსე არს მარჯუენე შენი“ (ფსალმ 47:11) და „სიმართლენი შენი, ვითარცა მთანი ღმრთისანი“ (ფსალმ 35:7), იქ ნუთუ სიმართლის არავითარი ანგარიში არ არის?

და როგორ ითმენს „ღმერთი მართლმსაჯულ, ძლიერ და სულგრძელ“ (ფსალმ 7:12), და სასჯელებს არ ითხოვს? აი, აქ გაქვს მიზეზი: სულგრძელია, ამბობს, და სულგრძელებით სინანულისკენ გიზიდავს; ხოლო თუ ჯიუტად დარჩები, „ხოლო სიფიცხლითა მაგით შენითა და შეუნანებელითა გულითა იუნჯებ თავისა შენისა რისხვასა“ (რომ 2:5). ამრიგად, თუ მართალია, ღირსებისამებრ მიუზღავს და უსამართლოდ დატანჯულებს შურისგების გარეშე არ დატოვებს; რადგან ეს მართლის საქმეა. თუ ძლიერია, სიკვდილის შემდეგაც მიუზღავს და აღდგომისასაც; რადგან ეს ძლიერის საქმეა. ხოლო თუ სულგრძელი...