ფსალმუნნი 103:24

...აღმატებული სიკეთეები.

3. ქრისტეს ხელმწიფება და მოციქულთა ძალა

რომელი სიტყვა შეძლებს ამის წარმოჩენას? რადგან თუ წინასწარმეტყველმა, ქმნილებას რომ გადახედა, დაიღალა და უკან დაიხია, ამბობდა: „ვითარ განდიდნენ საქმენი შენნი, უფალო“ (ფსალმ 103:24); და პავლემ, განგების ერთი სახის გამოძიებისას, შესძახა: „ჵ სიღრმე სიმდიდრისა“ (რომ 11:33), რაღას იტყოდა ვინმე იმ დღის აღწერისას? ამ ყოველივეს წინასწარ ხილვის შემდეგ წინასწარმეტყველი ამბობდა: „რამეთუ უფალი მაღალ არს და საშინელ და მეუფე დიდ ყოველსა ქუეყანასა ზედა“ (ფსალმ 46:3), რითაც საყოველთაო ცხონებას წარმოაჩენდა. მართალია, ამის უწინაც დიდი მეუფე იყო, მაგრამ უცნობი რჩებოდა. „სოფელსა შინა იყო, და სოფელი მის მიერ შეიქმნა, და სოფელმან იგი ვერ იცნა“ (იოან 1:10). ახლა კი ესეც აღასრულა: ჩვენც თავისად მიიღო და ამითაც დიდი მეუფე გახდა. რ...

...ცებელი ნიშნით აღავსო, რომ სიტყვითაც კი შეუძლებელია მათი წარმოდგენა. ამიტომ წინასწარმეტყველი, ამ კეთილმოქმედებათა უფსკრულში ჩავარდნილი და უკიდეგანო ზღვის მხილველი, უკუიქცა, დიდი ხმით შეჰღაღადა და თქვა: „ვითარ განდიდნენ საქმენი შენნი, უფალო, და ყოველივე სიბრძნით ჰქმენ“ (ფსალმ 103:24). ხოლო თუ ვინმე მზესაც შეხედავს, მთვარესაც და დროთა განწესებასაც, კვლავ მთლიანად დაინახავს მის კაცთმოყვარეობას. რადგან ეს სტიქიები მცირე რამ როდი შეგვეწევა ცხოვრების წესრიგისთვისა და თვით სიცოცხლისთვის: გვზრდიან, ნაყოფებს ამწიფებენ, რომელთა გარეშე ცხოვრება შეუძლებელი იყო, გვიჩვენებენ დროებს, აღნიშნავენ ჟამებს, განარჩევენ დღისა და ღამის სვლას, ხმელეთსა და ზღვაში მგზავრებს მიუძღვებიან და აურაცხელ სხვა საჭიროებას გვაწვდიან. ხედავ, როგორ არის „უკუნისადე არს წყალობაჲ მისი“ (ფსალმ 135:1) და როგორ უმატებს ამას წინასწარმეტყველი თითოეულ მუხლს? სხვა განმმარტებელმა სიტყვები „დღის უფლებად“ ასე თქვა: „დღეზე ხელმწიფებად“....

...ნსხვავებული მოქმედებები და განსხვავებული ბუნებები, რომელთაც ყოველგან, ქვეყნიერებაში მიმოარული, კაცი დაინახავდა; და როცა მსჯელობით მოივლის დასახლებული სამყაროს სხეულს, წინასწარმეტყველთან ერთად იტყვის: „ვითარ განდიდნენ საქმენი შენნი, უფალო, და ყოველივე სიბრძნით ჰქმენ“ (ფსალმ 103:24).

ამიტომ, თუ სანახაობის ხილვა გინდა, მიატოვე ის სატანური სანახაობა და მოდი ამ სულიერ სანახაობასთან; თუ ლირათა მოსმენა გინდა, დაუტევე ის მელოდია, გონების სიმი მოიმართე და მოდი ამ მელოდიასთან, რომელიც შენს აზრს აღვიძებს და შენს გონებას ამტკიცებს. იხილე სხვადასხვა ხმები და სხვადასხვაგვარად შეწყობილი სიმები, რომლებიც ყოველმხრიდან ერთსა და ყოვლად შეწყობილ მელოდიას აღუვლენენ ყოველხელოვან ღმერთს. რადგან სულის ერთგვარ ხმას, სხვადასხვა ხმისგან შედგენილს, ერთი მელოდია აქვს: შემოქმედისადმი მიმართული დიდებისმეტყველება. სიმები თავისთავადაც ჟღერენ და ერთმანეთთან ერთადაც ჟღერენ. და რომ გაიგო, როგორ ჟღერენ ისინი თავისთავად, მსჯელობით ჩამოჰკარი ცის სიმს და მოისმენ, როგორ გამოსცემს იგი დიდ ხმას...

...ყდართა, უფლებათა, მთავრობათა, ხელმწიფებათა, ქერუბიმთა და სერაფიმთა მხედრობებს მიაპყრობ, – რა გონება, რა სიტყვა შეძლებს მისი გამოუთქმელი სიდიადის გამოხატვას? თუ ნეტარი წინასწარმეტყველი დავითი, ხილულის მოწყობას რომ განიხილა, წამოიძახოდოდა: „ვითარ განდიდნენ საქმენი შენნი, უფალო, და ყოველივე სიბრძნით ჰქმენ" (ფსალმ 103:24), თუ (ასე წამოიძახოდა) კაცი, რომელიც ესოდენ სულიწმიდის ღირსქმნილი იყო და რომელსაც მიცემული ჰქონდა შემეცნება „უჩინოთა და დაფარულთა სიბრძნისა" მისისა (ფსალმ 50:8), მაშინ რას ვიტყვით ჩვენ, მიწა და ნაცარი, – ჩვენ, რომლებმაც მუდმივად თავი უნდა ჩავღუნოთ და სამყაროს უფლის გამოუთქმელ კაცთმოყვარეობას გავიკვირვოთ? რას ვამბობ წინასწარმეტყველზე? ნეტარი პავლე, ეს ცისმაღალი სული, ხორცით შემოსილი და უხორცო ძალებს მსგავსი, ვინც მიწაზე დადიოდა, მაგრამ მოშურნეობით ცას მიმოსდებდა, მან, ღვთის განგებულების მხოლოდ ერთ ნაწილში რომ ჩაიხედა (იუდეველთა და წარმართთა შესახებ, რომელთაგან პირველნი განიშორა, მეორენი კი მიიღო), გაოცებული და განცვიფრებული, ხმამაღლა წამოიძახა: „ჵ სიღრმე სიმდიდრისა და სიბრძნისა და მეცნიერებისა ღმრთისაჲ! ვითარ გამოუძიებელ არიან განკითხვანი მისნი და გამოუკულეველ არიან გზანი მისნი!" (...