ჰრომაელთა მიმართ 2:19

თარგმანი: არა ხარ წინამძღუარიო, გარნა ესრეთ ჰგონებ და ესრეთ ესავ თუ წინამძღუარი ხარ. ხოლო ბრმად და ბნელსა შინა მყოფად და უგუნურად და ჩჩჳლად — მწირთა მათ იტყჳს, რომელნი ჰურიათა თანა იყვნეს, რომელთა არა იცოდეს შჯული, რამეთუ ჰურიანი ამათ სახელთა ეტყოდეს ესევითართა მათ მწირთა, ამპარტავანებისაგან მათისა. ამისთჳს მოციქულიცა ყვედრებით ამათ სახელთა ეტყჳს მათ.

...ფსალმ. 118:105). და ყველგან შეიძლება ნახოს ვინმემ, რომ სჯული ასე იწოდება. ასევე ამბობს პავლეც: „და ესავ თავსა შენსა წინამძღურად ბრმათა, ნათლად, რომელნი არიან ბნელსა შინა, მასწავლელად უგუნურთა“ (რომ. 2:19-20). რადგან მზის სხივები ისე არ წარუძღვებიან ჩვენი სხეულის თვალებს, როგორც სჯულის მცნებები ანათებენ სულის თვალებს.

6.

ამრიგად, წინასწარმეტყველი გვიჩვენებს, რომ მცნებები ჯერ კიდევ მისაგებელამდე და საზღაურამდე, თვით მათი აღსრულებისას, გვაძლევენ საზღაურს; ამიტომ მათ ნათელი უწოდა. როგორც თვალი თვით განათებისას იღებს სარგებელს, ასევე სულიც თვით რჯულისადმი მორჩილებისას უდიდეს ნაყოფს იკრებს: იწმინდება, ბოროტებისგან თავისუფლდება და თვით სათნოებამდე მაღლდება. პირიქით კი, დამრღვევნი ჯერ კიდევ სასჯელამდე, თვით დარღვევისას იხდიან სასჯელს: სიბნელეში მსხდომარეებზე უფრო უბედურად არიან, შიშით, ძრწოლითა და ბოროტი სინდისით აღსავსენი; შუადღისასაც ყველას ეშინიათ და ყველას წინაშე თრთიან, მათ წინაშეც, ვინც მათი საქმე იცის, და მათ წინაშეც...

...რადგან წერილები იმასაც გვასწავლის, რაც უნდა ვაკეთოთ, და იმასაც, რაც არ უნდა ვაკეთოთ; მოისმინე, რას ამბობს ეს ნეტარი პავლე სხვაგან: „ესავ თავსა შენსა წინამძღურად ბრმათა, ნათლად, რომელნი არიან ბნელსა შინა, მასწავლებად უგუნურთა, მოძღურად ჩჩჳლთა“ (რომ 2:19–20). ხედავ, რომ რჯული ბნელში მყოფთა ნათელია? თუ ასოს მაჩვენებელი ნათელია, იმ ასოსი, რომლის შესახებაც ითქვა: „რამეთუ წიგნი მოაკუდინებს, ხოლო სული აცხოვნებს“ (2 კორ 3:6), მაშ რაღა უნდა ითქვას ცხოველმყოფელი სულის მაჩვენებელზე? თუ ძველი აღთქმა ნათელია, რაღა არის ახალი, სადაც ამდენი რამ გაიხსნა? მათ შორის ისეთი დიდი მანძილია, როგორც მაშინ იქნებოდა, ვინმეს რომ მათთვის, ვინც მიწის მეტი არაფერი იცის, ცა გაეხსნა და ყოველივე დაენახვებინა.

გეჰენის შესახებ ვისწავლეთ, სასუფევლის შესახებ, განკითხვის შესახებ. უგუნურ საქმეებს ნუ ვერწმუნებით; ყოველი ასეთი რამ გრძნეულებაა....