2 ტიმოთეს მიმართ 3:6

„ხოლო ესე უწყოდე, რამეთუ უკუანაჲსკნელთა დღეთა მოიწინენ ჟამნი ბოროტნი. და იყვნენ კაცნი თავის მოყუარე, ვეცხლის მოყუარე, ლაღ, თავმოთნე, ამპარტავან, მგმობარ, მამა-დედისა ურჩ, უმადლო, უღირს, უყუარულ, უწირავ, მასმენელ, უთმინო, დაუმჭირველ, უზავ, დაუმშჳდებელ, კეთილის მოძულე, შინა-განმცემელ, წარმდებ, აღზუავებულ, გულის თქუმის მოყუარე უფროჲს, ვიდრე ღმრთის მოყუარე. აქუნდეს ხატი ღმრთის მსახურებისაჲ და ძალსა მისსა უარ-ჰყოფდენ. და ამათგანცა განეშორე. რამეთუ ამათგანნი არიან, რომელნი შევლენან სახლებსა და გამოსტყუენვენ დედათა, შეკრებულთა ცოდვითა, მოიპოვებენ გულის თქუმათა თჳთო-სახეთა და ყოვლადვე ისწავებენ და არასადა მეცნიერებასა ჭეშმარიტებისასა შემძლებელ არიან მოსვლად.“ (2 ტიმ 3:1–7).

1. უკანასკნელი ჟამები და ვერცხლისმოყვარება

პირველ ეპისტოლეში ამბობდა, რომ „ხოლო სული წმიდაჲ ცხადად იტყჳს, რამეთუ უკუანაჲსკნელთა ჟამთა გან-ვინმე-დგენ სარწმუნოებისაგან" (1 ტიმ 4:1); და კვლავ, იმავე ეპისტოლეში, სხვა ადგილას წინასწარმეტყველებს, რომ შემდეგში...

...აქვს. არსებობს კეთილი ტყვეობაც, როგორც მაშინ, როცა პავლე ამბობს: „წარმოვსტყუენავთ ყოველსავე ცნობასა მორჩილებად ქრისტესა“ (2 კორ 10:5); არსებობს ბოროტიც, როგორც მაშინ, როცა ამბობს: „გამოსტყუენვენ დედათა, შეკრებულთა ცოდვითა“ (2 ტიმ 3:6). არსებობს გონისმიერი ტყვეობაც, რომლის შესახებაც ამბობს: „ქადაგებად ტყუეთა განტევებისა“ (ლკ 4:18). არსებობს გრძნობადი ტყვეობაც, რომელიც მტრებისგან მოდის. მაგრამ პირველი უფრო მძიმეა.

რადგან ისინი, ვინც ომის კანონით ვინმეს შეიპყრობენ, ხშირად ტყვეებსაც ინდობენ; და თუნდაც წყლის ზიდვა, შეშის ჭრა უბრძანონ და ცხენთა მწყემსებად აქციონ, სულს არაფერს ავნებენ; ხოლო ცოდვის მიერ ტყვედ შეპყრობილი შეუბრალებელ და ბარბაროს ქალბატონს იძენს, რომელიც მას ყველაზე სამარცხვინო საქმეებისკენ მიათრევს. რადგან ამ ტირანიამ არც დაზოგვა იცის და არც შეწყალება. მაშ, ისმინე, როგორ შეიპყრო ტყვედ უბადრუკი და საბრალო იუდა და არ დაინდო: სიწმ...

...გონებს, რომ ასეთებს განერიდონ. რადგან ამბობს: „რამეთუ ამათგანნი არიან, რომელნი შევლენან სახლებსა და გამოსტყუენვენ დედათა, შეკრებულთა ცოდვითა, მოიპოვებენ გულის თქუმათა თჳთო-სახეთა და ყოვლადვე ისწავებენ და არასადა მეცნიერებასა ჭეშმარიტებისასა შემძლებელ არიან მოსვლად" (2 ტიმ 3:6–7).

2. ცრუმოძღვართა მოტყუება და დევნათა მაგალითი

ხედავ, რომ ისინი ძველი მოტყუებით სარგებლობენ, იმ იარაღით, რომელიც ეშმაკმა ადამის წინააღმდეგ გამოიყენა? ამბობს: „რომელნი შევლენან სახლებსა“ (2 ტიმ 3:6). იხილე, როგორ გამოაჩინა მათი ურცხვობა სიტყვით „რომელნი შევლენან“ (2 ტიმ 3:6)? უპატიობას, მოტყუებას, ლიქნს? და კიდევ: „და გამოსტყუენვენ დედათა“ (2 ტიმ 3:6). ამგვარად, ვინც ადვილად ტყუვდება, სუსტი დედაკაცივით არის და კაცობრივ სიმტკიცეს შორსაა. მოტყუებულ...