თარგმანი: შემოღებითა იგავთა მიერ სიტყჳსა საწამებელისაჲთა ძაღლსა და ღორსა მიამსგავსებს მათ, რომელთა შემდგომად საცთურისაგან მოქცევისა და ჭეშმარიტებისა ცნობისა კუალად საცთურივე შეიყუარონ და მიექცენ ჩუეულებასა პირველისა მის არაწმიდებით ქცევისა და მოქალაქობისა თჳსისასა, რომლისაგან გამოიჴსნნეს სარწმუნოებითა ქრისტესითა.
2 პეტრე 2:22
21. უმჯობეს იყო მათდა, ეცნავე თუმცა არა გზაჲ იგი სიმართლისაჲ, ვიდრე ცნობასა და მართლუკუნ ქცევასა მოცემულისა მისგან მათდა წმიდისა მცნებისა.22. შეემთხჳა მათ ჭეშმარიტისა მისებრ იგავისა: ძაღლი მიექცა ნათხევარსა თჳსსა და ღორი ინწუბა სანგორელსა მწჳრისასა.
2 პეტრე თავი 2