1 ტიმოთეს მიმართ 6:8

...1 ტიმ 6:7); ბუნება შიშველი მოვიდა და შიშველი წავა. ამიტომ ჩვენ ზედმეტი არ გვჭირდება; თუ არაფერი შემოგვიტანია, არც რაიმეს მქონენი წავალთ. „ხოლო მაქუნდეს თუ საზრდელ და საფარველ ჴორცთა, ამათ კმა-ვიყოფდეთ ჩუენ“ (1 ტიმ 6:8). იმდენი და ისეთი უნდა ვჭამოთ, რამდენიც გამოსაკვებად კმარა; ისეთი უნდა შევიმოსოთ, რაც მხოლოდ ჩვენს დაფარვასა და სიშიშვლის დაფარვას ემსახურება — ზედმეტი არაფერი. ამას კი უბრალო სამოსელიც შეძლებს. შემდეგ ამით შეაგონებს და ამბობს: „ხოლო რომელთა ჰნებავს სიმდიდრე“ (1 ტიმ 6:9).

2. სიმდიდრის გულისთქმა და სარწმუნოების ღვაწლი

მოციქულმა უბრალოდ მდიდრები კი არ თქვა, არამედ გამდიდრების მოსურნენი. რადგან შესაძლებელია, ვინმეს ფულიც ჰქონდეს, კეთილად განაგებდეს მას, არაფრად აგდებდეს და ღარიბებს უნაწილებდეს. ამრიგად, ასეთებს კი არ ამხელს, არამედ მათ, ვისაც სიმდიდრე სწყურია....

...და არ დავუშვებთ, რომ ჩვენი სული შიშველი და სათნოების სამოსელს მოკლებული აღმოჩნდეს; როცა ფუფუნებას მოვიძულებთ, მუცლის მონობას გავექცევით, ნადიმებსა და ტაბლებს აღარ ვეძებთ, არამედ აუცილებელით დავკმაყოფილდებით, მოციქულის შეგონების თანახმად: „ხოლო მაქუნდეს თუ საზრდელ და საფარველ ჴორცთა, ამათ კმა-ვიყოფდეთ ჩუენ" (1 ტიმ 6:8). და რა სარგებელი, მითხარი, ზედმეტისგან, იმისგან, რომ გაძღომისგან მუცელი სკდება, ან ღვინის უზომობისგან გონება ირყევა? ნუთუ ყოველგვარი ბოროტება — სხეულისთვისაც და სულისთვისაც — აქედან არ იშვება? საიდანაა ეს მრავალნაირი სნეულებანი და მოშლილობა? განა არ იმისგან, რომ ზომას გადავაჭარბებთ და მუცელს ზედმეტად მძიმე ტვირთს ვკიდებთ? საიდანაა აგრეთვე მრუშობა, სიძვა, ტაცება, ანგარება, მკვლელობა, ავაზაკობა და სულის ყოველგვარი გახრწნა? განა არ იმისგან, რომ საჭიროზე მეტს ვეძებთ? როგორც პავლემ ყველა ბოროტების ფესვად ვერცხლისმოყვარეობა დაასახელა, ასევე არ შეცდება ის, ვინც ყველა ბოროტების წყაროდ უზომოებასა და აუცილებლობის ფარგლების გადალახვის სურვილს დაასახელებს. მართლაც, რომ გვნებებოდა საჭმელში, ტანსაცმელში, საცხოვრებელსა და სხვა სხეულებრივ მოთხოვნილებებში ზედმეტი არ გვეძია, არამედ მხოლოდ აუცილებელი, მრავალი ბოროტებისგან თავისუფალი გახდებოდა ად...

...თ ფუფუნებას ქალთა შორის ვხედავთ: რისთვის, მითხარი, ამშვენებ სხეულს და ტკბები ასეთი სამოსელით, ხოლო იმაზე არ ფიქრობ, რომ ეს საფარველი მცნების დარღვევის უდიდესი სასჯელის ნაცვლად არის გამოგონილი? რატომ არ ისმენ ნეტარ პავლეს, რომელიც ამბობს: „ხოლო მაქუნდეს თუ საზრდელ და საფარველ ჴორცთა, ამათ კმა-ვიყოფდეთ ჩუენ" (1 ტიმ 6:8)? ხედავ, რომ მხოლოდ იმაზე უნდა ვიზრუნოთ, რომ სხეული შიშველი არ იყოს, მხოლოდ დაფარული იყოს, და სამოსლის მრავალფეროვნებაზე ნურასოდეს ვზრუნავთ. მაგრამ გადავიდეთ შემდგომზე. „და თქუა უფალმან ღმერთმან: აჰა, ადამ იქმნა, ვითარცა ერთი ჩუენგანი, მეცნიერ კეთილისა და ბოროტისა. და აწ ნუ-სა-და მიყოს ჴელი თჳსი და მოიღოს ხისაგან ცხორებისა, და ჭამოს და ცხონდეს უკუნისამდე. და განავლინა იგი უფალმან ღმერთმან სამოთხისაგან საშუებელისა საქმედ ქუეყანისა, რომლისაგან მოღებულ იქმნა" (დაბ 3:22-23). შეხედე კვლავ ღვთის შემწყნარებლობას. „და თქუა, — ამბობს წერილი, — უფალმან ღმერთმან: აჰა, ადამ იქმნა, ვითარცა ერთი ჩუენგანი, მეცნიერ კეთილისა და ბოროტისა". ხედავ, რა მარტივი სიტყვებია? ეს ყოველივე ღვთისთვის შესაფერისად გავიგოთ. ამ სიტყვებით (წერილი) იმ მოტყუებას გვახსენებს, რომლითაც ეშმაკმა გველის მეშვეობით (პირ...