1 ტიმოთეს მიმართ 5:15

„ხოლო ქურივთა ჭაბუკთა განეშორე, რამეთუ რაჟამს დაიმღერნიან ქრისტესნი იგი, ქორწინების უნებნ. აქუს მათ საშჯელი, რამეთუ პირველი იგი სარწმუნოებაჲ შეურაცხ-ყვეს. და ამას თანა უქმობასა ისწავებენ და მიმოსლვასა სახლითი სახლად, არა ხოლო უქმობასა, არამედ სიჩქურესა და გამოწულილვასა და იტყჳედ უჯეროსა. მნებავს უკუე ჭაბუკთა ქორწინებაჲ, შვილთა სხმაჲ, სახლისა პყრობაჲ და არცა ერთისა მიზეზისა ცემად მჴდომსა ადგილად გინებისა. რამეთუ აწვე ვინმე გარდაიქცეს შედგომად ეშმაკისა.“ (1 ტიმ 5:11–15).

1. ახალგაზრდა ქვრივთა ქორწინება და ეკლესიის ზრუნვა

პავლემ ქვრივების შესახებ ვრცელი სიტყვა წარმოთქვა, მათი ასაკიც განსაზღვრა, როცა თქვა: „ქურივადმცა შერაცხილ არს ნუ უნაკლულესი სამეოცისა წლისაჲ“ (1 ტიმ 5:9), და ქვრივის თვისებაც გვასწავლა, როცა თქვა: „უკუეთუ შვილნი განზარდნა, უკუეთუ სტუმარნი ისტუმრნა, უკუეთუ წმიდათა ფერჴნი დაჰბანნა“ (1 ტიმ 5:10). აქ კი კვლავ ამბობს:...

...რატომ არაფერს ამბობს ქალწულებაზე და არც იმას ამბობს, ქალწულებს პატივი ეციო? იმიტომ, რომ მგონია, მაშინ ქალწულები ან საერთოდ არ იყვნენ, ან კიდეც დაცემულიყვნენ. რადგან ამბობს: „რამეთუ აწვე ვინმე გარდაიქცეს შედგომად ეშმაკისა“ (1 ტიმ 5:15).

ამბობს: „ქურივთა პატივ-ეც, ჭეშმარიტად ქურივთა“ (1 ტიმ 5:3). მაშ, შესაძლებელია, ქმარი არ ჰყავდეს და მაინც ქვრივი არ იყოს. რამეთუ როგორც ქალწულს ქალწულად მხოლოდ ის არ ხდის, რომ ქორწინება არ უგემია, არამედ კიდევ ბევრი რამ სჭირდება: უმწიკვლოება და დაუფანტავი სულიერი მდგრადობა; ასევე ქვრივსაც უბრალოდ ქმრის უქონლობა კი არ ხდის ქვრივად, არამედ თავშეკავებით შეზავებული მოთმინება და ყოველივესგან განმარტოება. სწორედ ასეთი ქვრივების პატივისცემას შეაგონებს, მართებულადაც; რადგან მარტო დარჩენილებს დიდი პატივი სჭირდებათ; ქმრები არ ჰყავთ, ვინც მათ დაიცავდა; და ეს მდგომარეობა ბევრის თვალში საყვედრელ და ავბედით მდგომარეობად ჩანს....

...ება შეერთება კი არ არის, არამედ ზედმეტ საქმეებში ჩარევა. შენ კი იმას, რაც ბოროტება არ არის, არ აკეთებ; ხოლო იმას, რაც განურჩეველი კი არა, ბრალდების ქვეშ მყოფია, იტვირთავ. ამიტომაც „რამეთუ აწვე ვინმე გარდაიქცეს შედგომად ეშმაკისა.“ (1 ტიმ 5:15); რადგან მათ არ იცოდნენ, როგორ ექვრივათ კეთილად. გსურს გაიგო, რა არის ქვრივი და რა არის ქვრივის ღირსება? მოუსმინე პავლეს, რომელიც ამბობს: „უკუეთუ შვილნი განზარდნა, უკუეთუ სტუმარნი ისტუმრნა, უკუეთუ წმიდათა ფერჴნი დაჰბანნა, უკუეთუ ჭირვეულთა შეეწია, უკუეთუ ყოველსა საქმესა კეთილსა შეუდგა.“ (1 ტიმ 5:10). რადგან, როცა ქმრის სიკვდილის შემდეგ დიდძალი სიმდიდრის ტვირთით ხარ გარემოცული, ბუნებრივია, ქვრივობას ვერ იტვირთავ. ამიტომ გადაიტანე ეს სიმდიდრე ცაში და ქვრივობის ტვირთი შენთვის სატარებელი გახდება. მაშ რა, ამბობს იგი, თუ მყავს შვილები, მამისეული ქონების მემკვიდრეები? ი...