თარგმანი: ვინაჲთგან თქუა, ვითარმედ — "არავინ არს ღმერთ", და წარმართნი ჰგონებდენ ღმრთად ღმერთთა მათთა, აწ უჩუენებს, ვითარმედ, რასაცა მათ სახელ-სდვან ღმრთად, ყოველივე ცუდ არს, გინათუ ცათა შინა, რომელ არიან მზე და მთოვარე და ვარსკულავნი, ანუ თუ ქუეყანასა ზედა, რომელ არიან ეშმაკნი და კერპები კაცთაჲ, გინათუ იროელად სახელდებულნი იგი მათგან, იგინიცა ეშმაკთა ხატნი.
კჳრილესი: დაწყებისაგან მეხუთისა თავისა ივლიანესთჳს აღწერილისა, ცათა შინაცა რათმე უწოდიან ღმერთ (ვითარ-იგი არიან მადლით განღმრთობილნი ანგელოზნი — მთავრობანი და ჴელმწიფებანი და საყდარნი), და ეგრეთვე ქუეყანასა ზედა კაცთა, მადლით განღმრთობილთა.