„უგალობდით უფალსა ყოველი თესლები და აქებდით მას ყოველი ერი; რამეთუ განძლიერდა ჩუენ ზედა წყალობაჲ მისი, და ჭეშმარიტება უფლისაჲ ჰგიეს უკუნისამდე.“ ().
1. წარმართთა ქება და ქრისტეს ჭეშმარიტება
ყველასთვის, ალბათ, ცხადია, რომ ეს ნათქვამი მორწმუნეთა ეკლესიის წინასწარმეტყველებაა და იმ ქადაგების წინასწარი გამოცხადება, რომელმაც მთელი მსოფლიო მოიცვა. რადგან ფსალმუნი არა მხოლოდ ერთ, ორ ან სამ ერს მოუწოდებს, არამედ მთელ ხმელეთსა და ზღვას. სწორედ ეს მოხდა, როცა ქრისტეს მოსვლა გამობრწყინდა. შემდეგ ცხონების მიზეზსაც ასახელებს: ისინი არა საკუთარ წარმატებათა გამო, არც ცხოვრების წესისა და კადნიერების გამო, არამედ მხოლოდ კაცთმოყვარეობით ცხონდნენ. რადგან, ამბობს იგი: „განძლიერდა ჩუენ ზედა წყალობაჲ მისი“ (), ესე იგი, განმტკიცდა, ძლიერი გახდა, კლდეზე უმტკიცესი. რადგან იგი ყოველ დღეს უფრო მატულობს. „და ჭეშმარიტება უფლისაჲ ჰგიეს უკუნისამდე“ (). რადგან მაშინ განსაკუთრებით გამობრწყინდა ჭეშმარიტების საქმენი. ამიტომაც ასე თქვა, რადგან ძველი აღთქმისეული ყოველივე სახე და ჩრდილი იყო. ამასვე ცხადყოფდა მახარებელიც, როცა ამბობდა: „სჯული მოსესგან მოეცა, ხოლო მადლი და ჭეშმარიტებაჲ ქრისტე იესუჲს მიერ იქმნა“ ().
ჩვენი უფლის იესო ქრისტეს მადლითა და კაცთმოყვარეობით, რომლის თანა მამასა, სულიწმიდითურთ, დიდება, ძალა, პატივი, აწ და მარადის და უკუნითი უკუნისამდე. ამინ.