თარგმანი: თჳსთა მოვიდეს, ესე იგი არს მოყუასთა მათთა თანა მოციქულთა და მათ თანა მყოფთა მორწმუნეთა, და მიუთხრეს მათ სასწაულიცა იგი და მის ძლით ქმნილი პყრობილებაჲ და შინებით თქუმაჲ მღდელთმოძღუართაჲ. და ესრეთ წადიერებით აღძრეს სურვილი მათი შევრდომით და ერთ-ჴმობით ლოცვად.
საქმე წმიდათა მოციქულთაჲ 4:23
22. რამეთუ უმეტეს ორმეოცისა წლისა იყო კაცი იგი, რომელსა ზედა იქმნა სასწაული ესე კურნებისაჲ.23. ხოლო ესენი, ვითარცა განუტევნეს მათ, მოვიდეს თჳსთა თანა და უთხრეს მათ, რაჲ-იგი მღდელთ მოძღუართა და მოხუცებულთა ჰრქუეს მათ.24. ხოლო მათ, ვითარცა ესმა ესე, აღიღეს ერთბამად ჴმაჲ ღმრთისა მიმართ და თქუეს: უფალო ღმერთო, შენ ხარ, რომელმან ჰქმენ ცანი და ქუეყანაჲ და ზღუაჲ და ყოველი, რაჲ არს მათ შინა,
საქმე წმიდათა მოციქულთაჲ თავი 4