თ ა რ გ მ ა ნ ი: არა ჰრქუა მას, თუ: მე ვარ, რომელმან განგკურნე შენ, არამედ ყოველივე დაიდუმა და ჰრქუა: „გრწამსა ძჱ ღმრთისაჲ?“ ხოლო მან ფრიადი სურვილი თჳსი აჩუენა და მეყსეულად თაყუანის-სცა მას, რომელი-ესე მცირედთა ქმნეს განკურნებულთაგანთა, ვითარცა კეთროვანთა მათ და სხუათა მრავალთა. ხოლო ვითარცა მან თაყუანისსცა, ამისთჳს თქუა ქრისტე:
სახარებაჲ იოვანესი 9:38
37. ჰრქუა მას იესუ: იხილე იგი, და რომელი იტყჳს შენ თანა, იგი არს.38. ხოლო მან ჰრქუა მას: მრწამს, უფალო, და თაყუანის-სცა მას.39. და თქუა იესუ: სჯად სოფელსა ამას მოსრულ ვარ მე, რაჲთა რომელნი არა ხედვიდეს, ხედვიდენ; და რომელნი ხედვიდეს, დაბრმენ.
სახარებაჲ იოვანესი თავი 9