ფსალმუნნი 138:1

...ამიტომ, წინა ფსალმუნის ბოლოს, როცა მათ და მათთან თანაზიარობას გაექცა, აქ უკვე ღვთისაგან შეწევნას ითხოვს. რადგან იქ მან თავისი მხრიდან სათქმელი წარმოთქვა და თქვა: „კაცნი მოსისხლენი განმეშორენით ჩემგან. რამეთუ მჴდომ ხართ გულის-ზრახვითა თქუენითა;“ (ფსალმ 138:19–20); აქ კი ღმერთს ევედრება, მათი ბოროტებისაგან იხსნას. რადგან ასეთი კრებულებისაგან ხსნა და ბოროტებთან თანაზიარობისაგან რაც შეიძლება შორს დამკვიდრება უსაფრთხოების, უშიშრობის, თავისუფლებისა და ყოველგვარი სიამის მხრივ უბრალო რამ კი არ არის, არამედ უდიდესი კეთილდღეობაა. შემდეგ, როცა მათი ბოროტება აღწერა, დაურთავს და ამბობს: „რომელთა ზრახეს უსჯულოებაჲ გულსა შინა მათსა, ყოველსა დღესა განაწყობენ ბრძოლათა;“ (ფსალმ 139:3). ხედავ, როგორი ძნელად დასაცავია თავი ამ მხეცთაგან: ისინი გონებაში ბოროტებას ხარშავენ და თავიანთ მზაკვრობას დაფარულ სიღრმეებში მალავენ. რადგან ამბობს: „რომელთა ზრახეს უსჯულოებაჲ გულსა შინა მათსა“ (ფს...

...არ არის. იმისთვის არის ნათქვამი: „განაღო საშოჲ მისი", რომ ვიცოდეთ: თავად უფალმა კეთილინება ლიას შვილოსნობის ძალა ებოძებინა, მისი მწუხარების ნუგეშად. თავადვე აყალიბებს და ასულიერებს ნაყოფს დედის მუცელში, როგორც დავითმაც თქვა: „რამეთუ შენ დაჰბადენ თირკმელნი ჩემნი და შემიწყნარე მე დედისმუცლით ჩემითგან" (ფსალმ 138:13). და შენიშნე, როგორ გვიჩვენებს საღვთო წერილი, რომ ბუნების შემოქმედი საკუთარი ძალით ახდენს ორივეს: ერთში შვილოსნობის უნარს აღძრავს, ხოლო რაქელის საშოს აკავებს. იგი ბუნების მპყრობელია და ამიტომ ყველაფერს დაუბრკოლებლად აღასრულებს. „მიუდგა ლია და უშვა იაკობს ძე. და უწოდა სახელი მისი რუბენ და თქუა: რამეთუ იხილა უფალმან სიმდაბლე ჩემი და მომცა მე შვილი და აწ შემიყუაროს მე ქმარმან ჩემმან" (დაბ 29:32). შეხედე, რა მადლიერია ეს ქალი! უფალმა, ამბობს, ჩემი სიმდაბლე რომ იხილა, შვილი მომანიჭა, რომ მისი წყალობით ქმარს შემიყვარებინა. შენიშნე, რა სიუხვით აჯილდოებს კაცთმოყვარე ღმერთი, სურს რა მართლის შთამომავლობაც გაამრავლოს და ლიაც უფრო საყვარელი გახადოს იაკობისთვის. **„და მერმე მიუდგა ლია და უშვა ძე მეორე იაკობს და თქუა: რამეთუ ისმინა უფალმან ვედრებისა ჩემისა და იხილა, ვითარმედ ვსძულ მე, და მომცა მე შვი...