...ფსალმ 4:10). აჰა, განგების კიდევ ერთი, არამცირე სახე: ღმერთს მინდობილნი მშვიდობით ტკბებიან. რადგან წერია: „მშჳდობაჲ მრავალ არს მათ თანა, რომელთა უყუარს შჯული შენი, და არა არს მათ თანა საცთურ“ (). რადგან არაფერი ისე არ ქმნის მშვიდობას, როგორც ღმერთის ცოდნა და სათნოების შეძენა: ისინი ვნებათა შინაგან ომს განდევნიან და ადამიანს საკუთარ თავთან დაპირისპირებას აღარ ანებებენ. რადგან თუ ამ მშვიდობით არ ტკბება, თუნდაც გარედან უღრმეს მშვიდობაში იყოს და არცერთი მტერი არ ესხმოდეს, მაინც უფრო უბედურია, ვიდრე ყველა ის, ვისაც მთელი ქვეყნიერება ებრძვის.
12. ვნებათა ომი და სასოების მშვიდობა
რადგან არც სკვითები, არც თრაკები, არც სავრომატები, არც ინდოელები, არც მავრები და არც ყველა ის ველური ხალხი, რომელთაც ბრძოლა სჩვევიათ, ისე არ ომობენ, როგორც სულის სიღრმეში დაბუდებული უაღრესად უჯერო ზრახვა, თავშეუკავებელი სურვილი, ფულის სიყვარული, ძალაუფლების წადილი და ცხოვრებისეულ საქმეებზე მიჯაჭვულობა....