ფილიპელთა მიმართ 2:4

თარგმანი: ვითარ-იგი ზემო უმეტესად შერაცხვასა მას ორთავე კერძოთა ამცნებს, ეგრეთვე აწ უმჯობესისა ძიებასა ორკერძოვე გუამცნებს ურთიერთას, რამეთუ რაჟამს თითოეულმან თჳსი დაუტეოთ, და მე შენსა უმჯობესსა ვეძიებდე, ხოლო შენ — ჩემსა, და მე შენ უაღრესად შემერაცხო ყოველსავე ზედა, ხოლო შენ — მე, — ესე წესი ანგელოზებრივი არს. ესე წესი ყოველსავე შფოთსა და უწესოებასა განსდევნის და ყოველსავე მშჳდობასა და წესიერებასა შემოიყვანებს ცხორებასა შინა კაცთასა.

...ელივეს გაკეთებას, ოღონდ კი არანაირი საცდურის საბაბი არ მისცე? და ყველგან, სადაც ეძებ, დაინახავ, რომ ამას აუწყებს თავის მოწაფეებს, რადგან ამაზეა ჩვენი ცხოვრების კეთილდღეობა დამოკიდებული. ამიტომ სხვა ეპისტოლეშიც ამბობს: „ნუ თავისა თჳსისასა ხოლო კაცად-კაცადი თქუენი ეძიებნ, არამედ მოყუსისაცა თჳთოეული თქუენი" (ფილიპ 2:4); და კიდევ სხვაგან: „ყოველივე ჯერ-არს ჩემდა, არამედ... არა ყოველი აღმაშენებელ არს" (1 კორ 10:23). ხედავ მოციქულებრივ სიბრძნეს? თუმცა შემეძლო, ამბობს, რაღაცის გაკეთება, და ეს ჩემთვის არაფერს ავნებს, მაგრამ მე ამის უფლებას თავს არ მივცემ, რადგან ეს მოყვასის აღშენებას არ ემსახურება. აჰა, მოყვარული სული! აჰა, როგორ ზრუნავს იგი არა მხოლოდ თავის თავზე, არამედ ყველაფერში უდიდეს სათნოებას ავლენს, რომელიც მოყვასის აღშენებაზე მზრუნველობაში მდგომარეობს. ეს ყველაფერი რომ ვიცით, გთხოვთ, ვიფრთხილოთ და თავი შევიკავოთ იმისგან, რამაც შეიძლება თქვენი სათნოების სიმდიდრეს ზიანი მიაყენოს; არასოდეს ვქმნათ ისეთი რამ, რაც მოყვასს ავნებს. ეს ცოდვას ზრდის და უფრო მძიმე სასჯელს გვიმზადებს. ნუ უგულებელვყოფთ თუნდაც უმცირეს ადამიანს და ნუ ვიტყვით ისეთ სასტიკ სიტყვებს: „რა მოვალეობა მაკისრია, თუ ის შესცდება?" რ...