კოლასელთა მიმართ 3:16

თარგმანი: სიტყუად ქრისტესა უწოდს წურთასა წმიდათა წერილთასა, რომელთა ჩუენ თანა ქონებასა არა ჟამერთ, არამედ სამარადისოდ გუამცნებს, რაჲთა ყოვლითურთ დაამკჳდრნეს იგი ჩუენ შორის, არა კნინად რაჲმე, არამედ უხუებით; არცა უგუნურად შეკადრებით, არამედ სიბრძნით და გონიერებით, რაჲთა გულისჴმის-ყოფით კითხვაჲ მათი განმიღებდეს ჩუენ კარსა, ზედამიწევნით მეცნიერ ყოფად მცნებათა და მოძღურებათა უფლისა ჩუენისა იესუ ქრისტესთა. ხოლო ამას რაჲ პავლე სოფლიოთა კაცთა მიუწერდეს, და რომელთა შვილ და ცოლ ესხნეს, მათგან სამარადისოდ და მკჳდრად მათ შორის ქონებასა ქრისტეს სიტყჳსასა ეძიებდეს, იხილონ ესე უქორწინებელთა და სოფლით განშორებულთა, და ნუმცა რაჲთ სხჳთა განჰკუეთენ მათ შორის წურთასა საღმრთოთა სიტყუათასა.

...ცა მათთა ვერ წინააღუდგებოდით? არა გესმისა მოციქულისაჲ, რასა იტყჳს, ვითარმედ: „მზა იყვენით სიტყჳს-მიგებად ყოველთა, რომელნი ეძიებდენ თქუენგან სიტყუასა სასოებისათჳს თქუენისა“? (1 პეტ. 3,15) და კუალად იტყჳს, ვითარმედ: „სიტყუაჲ ქრისტესი დამკჳდრებულ იყავნ მდიდრად თქუენ შორის“. (კოლ. 3,16) არამედ რასა იტყჳან უგუნურნი, ვითარმედ: წერილ არს, ვითარმედ: „სული წრფელი კურთხეულ არს“, (შდრ. იგავ. 11,25) და „რომელი ვიდოდის სიწრფოებით, ვალს იგი სასოებით“? (იგავ. 10,9) რამეთუ ესე არს ყოველთა ბოროტთა მიზეზი, რომელ წამებასაცა წერილთასა არა კეთილსა ზედა იჴმარებენ მრავალნი, რამეთუ არა თუ უსწავლელთა და უგუნურთა აკურთხევს წერილი, არამედ მას, რომლისა თანა უკეთურებაჲ არა იყოს. თუ არა, უკუეთუმცა ესრეთ იყო, ვითარ იგინი იტყჳან, ამაო იყომცა სიტყუაჲ იგი, რომელი იტყჳს: „იყვენით ბრძენ, ვითარცა გუელნი, და უმანკო, ვითარცა ტრედნი“. (მათ. 10,16) ხოლო ჩუენ, რომელთა არცა ერთი რაჲ კეთილი წარგჳმართებია, ვითარ ვთქუათ ესე სიტყუაჲ, თუ წრფელნი ვართ, რომელნი-ესე უუბადრუკეს ვართ ყოველთასა, მაბრალობელ ურთიერთას და ბრალთა ჩუენთა არა განმამართ...