თარგმანი: ესე იგი არს, ვითარმედ: გინა თუ ჰურიანი იყვნენ, გინა თუ წარმართნი და ენებოს პოვნაჲ სიმართლისაჲ, სარწმუნოებითა ქრისტესითა პოვონ, თუ არა, თჳნიერ სარწმუნოებისა ქრისტესისა სიმართლისა პოვნაჲ არა იქმნების.
ჰრომაელთა მიმართ 3:30
29. ანუ ჰურიათაჲ-მე ხოლო არსა ღმერთი და არა წარმართთაჲცა? ჰე, წარმართთაჲცა.30. ვინაჲთგან ერთ არს ღმერთი, რომელმან განამართლის წინადაცუეთილი სარწმუნოებითა და წინადაუცუეთელი მითვე სარწმუნოებითა.31. აწ შჯულსა ნუ განვაქარვებთა სარწმუნოებითა მით? ნუ იყოფინ. არამედ შჯულსა დავამტკიცებთ.
ჰრომაელთა მიმართ თავი 3