...დაემშვიდებინა და ასეთი კადნიერებიდან შიშსა და უკიდურეს შეძრწუნებამდე დაეყვანა. ეს წინასწარ დაინახა მოსემ და, როგორც კი ჩამოვიდა, ფიცრები შემუსრა და აარონს უთხრა: „რა გიყო შენ ამ ხალხმა, რომ იგი მტრების გასახარებლად აქციე?“ (; )4.
6.
ამასვე აკეთებს ეს წინასწარმეტყველიც, იმ წმინდა კაცს ორგვარი სახით ბაძავს. რადგან მაშინ მოსემ მხოლოდ ბრალი კი არ დასდო, არამედ თანამდარდელის სახეც მიიღო და იმ მხილებას სწორედ ამგვარად წარმოთქვამდა. ასევე ამ წინასწარმეტყველმაც ორივე მხრივ მიბაძა მას, როცა თქვა: „ერო ჩემო, მეხარკენი თქვენნი მოგკუფხლვენ თქვენ!“ (). რადგან მათაც ამხილა და ეს სიტყვები ისე თქვა, როგორც ხალხის თანამდარდელმა. „მეხარკეებში“ აქ, ერთი მხრივ, თითქოს მომთხოვნელებს გულისხმობს; მე კი ვფიქრობ, რომ მათ მძარცველებსა და ანგარებ...