ებრაელთა მიმართ 11:4

...მენა აბრაჰამს ღმერთი და შეერაცხა მას სიმართლედ"** (რომ 4:3). რას ამაყობ, იუდეველო, წინადაცვეთით? იცოდე, რომ მის გარეშეც ბევრი მართალი იყო. აი, აბელმა რწმენით შეწირა მსხვერპლი, როგორც პავლეც ამბობს მის შესახებ: "სარწმუნოებით უმრავლესი მსხუერპლები შეწირა ღმრთისა აბელ კაენისა" (ებრ 11:4); ენოქიც ცოცხლად აღიტაცა (ღმერთმა), ნოეც იხსნა საშინელი წარღვნისგან თავისი დიდი სიმართლისთვის; აბრაამიც, ჯერ კიდევ წინადაცვეთამდე, დიდებულ იქნა ღვთის მიმართ რწმენისთვის. ასე უძველესი დროიდან და თავიდანვე ადამიანის მოდგმა რწმენით იხსნებოდა. ამიტომაც კაცთმოყვარმა უფალმა ნება დართო, მასთვის შეწირულიყო მსხვერპლი, რათა მათი მეშვეობით ადამიანებს, რომლებიც მაშინ ჯერ კიდევ ნაკლებად სრულყოფილნი იყვნენ, შეძლებოდათ ღვთისადმი მადლობის გამოხატვაც და კერპთმსახურების სენისგან თავის არიდებაც. მართლაც, თუ ამ შეწყნარების შემდეგაც მრავალმა ვერ აიცდინა დაცემა, ვინ თავიდან აიცილებდა დამღუპველ ცთომილებას, ამგვარი შეწყნარება რომ არ ყოფილიყო? "და იყნოსა უფალმან ღმერთმან სული სულნელებისაჲ". მაგრამ ასე არ (მოექცა) უმადურ იუდეველებს. როგორ? მოისმინე წინასწარმეტყველი, რომელიც ამბობს: "საკმეველი საძაგელ არს ჩემდა" (ეს 1...

..., რომ ამის სამართლიანობაში დარწმუნდე, აქაც შეხედე, ვინ განიცადა ბოროტება — მკვლელმა თუ მოკლულმა? ცხადია, მკვლელმა. რატომ? იმიტომ, რომ მოკლული დღემდე ყველას ბაგეებზეა, ინეტარება და იგვირგვინება, როგორც ჭეშმარიტების პირველმოწამე, რის შესახებაც ნეტარი პავლეც ამბობს: „მკუდარ-ღა-თუ", აბელი, „მერმე იტყჳსვე-ღა" (ებრ 11:4). ხოლო მკვლელი მაშინაც ყველაზე უბედური ცხოვრებით ცხოვრობდა და მომდევნო დროშიც საყოველთაო დაგმობას ექვემდებარება და საღვთო წერილში ღვთის მიერ მოძულებულ და წყეულ ადამიანად წარმოდგება. და ეს ჯერ ამჟამინდელ, წარმავალ ცხოვრებაშია. ხოლო რაც ორივეს მომავალ საუკუნეში ელის, და რაც თითოეულ მათგანს თავისი საქმის შესაბამისად მართალი მსაჯულისგან მიეცემა — ნეტარება თუ ამის საპირისპირო — რა სიტყვას ძალუძს გადმოცემა? ვერც ამ სიხარულის, ვერც ამ მწუხარების გამოთქმა ვერავინ შეძლებს. ერთს ზეცის სასუფეველი და საუკუნო სავანენი მიიღებენ, მამამთავართა, წინასწარმეტყველთა და მოციქულთა კრებულნი და ყველა წმინდანის თანხლება, სადაც ის იმეუფებს გაუთავებელ საუკუნეთა განმავლობაში მეუფე იესო ქრისტეს, ღვთის მხოლოდშობილი ძისა და ღმერთის თანა; ხოლო მეორეს — გეჰენის ცეცხლი და ყოველგვარი საუკუნო ტანჯვა, და ის უსასრულო საუკუნეთა განმავლობაში ეტანჯება, და მასთან ერთად...