...სა სრულსა და სხუათა მათ ყოველთა სათნოებათა. ესე არიან ცუარნი ნიავისა მის სანატრელისანი, რომელ მოვლენ ჩუენ ზედა, ოდეს შეურაცხ-ვყვნეთ ყოველნი საქმენი სოფლისანი და განვიწმიდნეთ თავნი ჩუენნი ცოდვათა უშუერებისაგან და ვიქმნეთ ქრისტეანე ჭეშმარიტ და მიმსგავსებულ წმიდათა მათ, „რომელთა სოფელი ესე ღირსვე არა იყო“. შეურაცხ-ყავნ კაცად-კაცადმან სოფელი, შეიყუარენ უფალი ჩუენი იესუ ქრისტე აღსრულებითა მცნებათა მისთაჲთა, რაჲთა აქაცა ბრწყინვალე იყოს სულითა და მერმესა მას საუკუნესა მიუთხრობელთა მათ მიემთხჳოს კეთილთა მადლითა და კაცთმოყუარებითა უფლისა ჩუენისა იესუ ქრისტესითა, რომლისაჲ არს დიდებაჲ და სიმტკიცე თანა მამით და სულით წმიდითურთ აწ და მარადის და უკუნითი უკუნისამდე, ამენ.
ებრაელთა მიმართ 11:38
37. ქვითა განიტჳნნეს; განიხერხნეს; განიცადნეს; სიკუდილითა მახჳლისაჲთა მოსწყდეს; იქცეოდეს ხალენებითა და თხის ტყავებითა ნაკლულევანნი, ჭირვეულნი, ძჳრ-ხილულნი,38. რომელთა ღირსვე არა იყო სოფელი ესე, უდაბნოთა ზედა შეცთომილნი, მთათა და ქუაბთა შინა და ჴურელთა ქუეყანისათა.39. და ესე ყოველნი იწამნეს სარწმუნოებით და არა მოიღეს აღნათქუემი იგი,
ებრაელთა მიმართ თავი 11