დაბადებისა 9:5

ასე, იმის გათვალისწინებით, რომ ადამიანებს მომავალში ცხოველები ღვთისთვის მსხვერპლად უნდა შეეწირათ, ღმერთი თითქოს ასეთ დარიგებას აძლევს მათ: სისხლი ჩემთვისაა განკუთვნილი, ხოლო ხორცი — თქვენთვის. ამას კი იმისთვის აკეთებს, რომ თავიდანვე შეაჩეროს მათში კაცისკვლისკენ მიდრეკილება. ხოლო, რომ ეს მართალია და რომ ღმერთი ამ მცნებას ადამიანებს მათი უფრო მშვიდობიანის გახდომის განზრახვით აძლევს, მოისმინე შემდეგი სიტყვები: "და რამეთუ სისხლიცა თქუენი სულთა თქუენთა გამოვიძიო ჴელისაგან მჴეცთასა და გამოვიძიო იგი ჴელისაგან კაცისა ძმისა მისისა გამოვიძიო სული კაცისა" (დაბ 9:5). რას ნიშნავს? ადამიანის სული სისხლშია? არა, ეს არ სურს თქვას ღმერთს, არამედ ადამიანური ჩვეულებით გამოითქვა, თითქოს ერთ ადამიანს მეორისთვის ეთქვა: შენი სისხლი ჩემს ხელშია, ნაცვლად: ხელმწიფება მაქვს შენი მოკვლისა. ხოლო, რომ ადამიანის სული სისხლში არ არის მოქცეული, ამის შესახებ მოისმინე ქრისტე, რომელიც ამბობს: "და ნუ გეშინინ მათგან, რომელთა მოსწყჳდნენ ჴორცნი, ხოლო სულისა ვერ ჴელ-ეწიფების მოკლვად" (მათ...

...ხედავ, რა საქმეებზე ამბობს? ქველმოქმედებებზე. აქ იგი დიდ მოძღვრებასაც მიანიშნებს: მკვლელობა დაუსჯელად ვერ იქნება ჩადენილი, არამედ აუცილებლად დაისჯება; ამას დაბადებაშიც აჩვენებს მოსე, როცა ამბობს: „სისხლიცა თქუენი სულთა თქუენთა გამოვიძიო“ (დაბ 9:5). ეს უსაზღვრო განგებისა და მისი განფენილი მზრუნველობის ნიშანია. ხოლო თუ მყისვე არ გამოიძიებს, ნუ გაგიკვირდება, რადგან შემცოდეებს სინანულის საშუალებას აძლევს. „არა დაივიწყა ღაღადებაჲ დავრდომილთა“ (ფსალმ 9:13). კვლავ იხილე, როგორ არიან პატივდებულნი გლახაკნი. მაგრამ იგი უბრალოდ ღარიბებს კი არ გულისხმობს, არამედ მათ, ვინც „გლახაკნი სულითა“ არიან, როგორც ქრისტე ამბობს (მათ 5:3). რადგან სწორედ ისინი შეისმინებიან ლოცვისას, ვინც გულით მდაბალნი და შემუსვრილნი არიან. აქ იგი ორ რამეს წარმოაჩენს: ლოცვასაც და თავმდაბლობასაც. რადგან ამბობს...