დაბადებისა 34:4

...აოკებს? მხოლოდ დაინახა, ამბობს, ქალწული და, ერთი შეხედვით მთლიანად სიყვარულის ვნებით მოცული, თავისი გულისწადილი აღასრულა. „და ეტყოდა გონებისაებრ მისისა". ეს რას ნიშნავს? რადგან ქალწული ახალგაზრდა იყო, ისეთ სიტყვებს ეუბნებოდა, რაც მას მოხიბლავდა და დაიჭერდა. და მამას ეუბნება: „მომგუარე მე ყრმაჲ ესე ცოლად" (დაბ 34:4). იაკობმა გაიგო მომხდარი და ის მოთმინებით იტანდა, ელოდებოდა დინას ძმების მოსვლას, რომლებიც ფარებს მწყემსავდნენ. „და დაიდუმა, — ნათქვამია, — იაკობ ვიდრე მოსლვადმდე მათა" (დაბ 34:5). როცა ემორი მოვიდა იაკობთან, მოვიდნენ დინას ძმებიც, და თავიანთი დის ამბავი რომ გაიგეს, „შეწუხნეს" (დაბ 34:7). რას ნიშნავს „შეწუხნეს"? შეწუხდნენ, აუტანლად მიაჩნდათ, სრულიად მოუთმენლად, და ეს იყო მათი მწუხარების მიზეზი. „რამეთუ სარცხჳნელ იქმნა ისრაჱლსა შორის, ვითარმედ დაწვა ასულისა თანა იაკობისა, და არა ეგრე იყოს" (დაბ 34:7). ხედავ იაკობის შვილების სიწმიდეს? ისინი ამ საქმეს უდიდეს შეურაცხყოფად მიიჩნევდნენ. ხედავ, როგორ ზრდიდა მართალი შვილებს სათნოებისთვის; სიქემი კი, ემორის ძე, თავისი გულისწადილის აღსრულებით, მამისა და მთელი ქალ...