დაბადებისა 28:2

...შენთან ვიქნები. „მე ვარ ღმერთი, რომელი გეჩუენე შენ ადგილსა, სადა-იგი სცხე ჩემდა ძეგლსა და აღმითქუ მე აღთქუმაჲ" (დაბ 31:13). უფალი იაკობს მის ლოცვასა და აღთქმას ახსენებს. რაში მდგომარეობდა ეს აღთქმა? იმაში, რომ „ყოვლისაგანი, რაოდენი-რაჲ მომცეს მე. ათეული მივსცე მას" (დაბ 28:22). რადგან იაკობმა ეს აღთქმა მაშინ დადო, როცა არაფერი ჰქონდა და ლტოლვილივით მწირობდა, უფალი ახლა ეუბნება: როცა გეჩვენე, აღთქმა დადე, სთქვი: „ყოვლისაგანი, რაოდენი-რაჲ მომცეს მე. ათეული მივსცე მას", — ამ ლოცვითა და აღთქმით ჩემ ყოვლისშემძლეობას აღიარებდი და რწმენის თვალით მომავალ კეთილდღეობას წინასწარ ხედავდი; ახლა, როცა ჩემი აღთქმები უნდა აღსრულდეს, დადგა დრო შენც შეასრულო შენი აღთქმა. მაშ, დაბრუნდი — „აწ აღდეგ და განვედ, — ნათქვამია, — ამიერ ქუეყანით და მივედ შენ ქუეყანასა შობისა შენისასა და ვიყო მე შენ თანა" (დაბ 31:13). ყველგან თანა ვიქნები, შენს გზას დავაწყობ და არავისგან არანაირი ზიანი არ მიიღებ, რადგან ჩემი მარჯვენა ყველგან საფარველი იქნება შენთვის. ეს რომ მოისმინეს, რაქელმა და ლიამ უპასუხეს: **„ნუუკუე ამიერითგან არს ნაწილ და სამკჳდრებელ სახისა შინა მამისა ჩუენისასა? ანუ არა, ვითა...

...მ იმყოფებოდა), სიბრძნისმოყვარეობით აღსავსე ლოცვა აღავლინა კაცთმოყვარე ღვთის მიმართ.

5. იაკობის აღთქმა და ზეციურის ძიების შეგონება (28:20–22)

თუ ინებებთ, მოვისმინოთ წერილის სიტყვებიც: „აღთქუა, — ნათქვამია, — აღთქუმაჲ ახალი და თქუა: უკუეთუ იყოს ღმერთი ჩემ თანა და დამიცვეს მე გზასა მას, რომელსა მე მივალ" (დაბ 28:20). ვინაიდან უფალმა თქვა: მე შენთან ვარ და დაგიცავ გზაზე, რომელზეც მიდიხარ, ამიტომ ისიც ამბობს: თუ ყველაფერს გააკეთებ, რაც აღმითქვი. შემდეგ თავისი მხრიდანაც სათხოვარს დაუმატებს ასეთი სიტყვებით: „მცეს მე" უფალმა „პური ჭამად და სამოსელი შემოსად" (დაბ 28:20). არა სიმდიდრესა და არა ზედმეტს ითხოვს, არამედ პურსა და სამოსს — სამოსს სხეულის დასაფარავად, პურს კი აუცილებელი სარჩოსთვის. ყურადღება მიაქციე, როგორ ამ თხოვნით მოციქულურ სულისკვეთებას აღბეჭდავდა. ესოდენ სიბრძნისმოყვარეობით აღსავსე იყო მართლის სული! ის, რასაც ქრისტე ამბობდა: „ნუ მოიგებთ ოქროსა, ნუცა ვეცხლსა... ნუცა ორსა სამოსელსა" (მათ 10:9–10), — ეს მან უკვე იცოდა, ჯერ არავისგან ნასწავლმა, არამედ თავად — ჩვენს ბუნებაში მყოფი მოძღვრისგან, და სურდა უფლისგან მხოლოდ „პური ჭამად და სამოსელი შემოსად" მიეღო. თუ ეს მექნება, ამბობს, უც...