იმისთვის გთავაზობთ ყოველდღიურ სწავლებებს, რომ თქვენც აქედან რაიმე სარგებლის მიღებულნი წახვიდეთ, თქვენი კეთილი საქმეები გაამრავლოთ, და ჩვენც გავიხაროთ, თქვენს წარმატებას რომ ვხედავთ. განა ჩვენ უმიზეზოდ და უმიზნოდ გვინდა თქვენთან საუბარი, მხოლოდ იმისთვის, რომ თქვენგან ქება მივიღოთ, რათა ტაშისკვრით წახვიდეთ აქედან? არა ამისთვის — ნუ იყოფინ, — არამედ თქვენი სარგებლისთვის. ჩემთვის ყველაზე დიდი და საკმარისი ქება ისაა, თუ ვინმე მანკიერებიდან სათნოებისკენ მოიქცევა, თუ ვინმე, ვინც ადრე უზრუნველი იყო, ჩვენი შეგონებით მოშურნე გახდება; ეს მე უდიდეს ქებასა და ნუგეშს მომიტანს, თქვენ კი — დიდ სარგებელსა და სულიერ სიმდიდრეს. არც ვეჭვობ, რომ დიდ მოშურნეობას გამოიჩენთ, ვინაიდან ვიცი, რომ ღვთისგან ნასწავლნი ხართ და სხვებსაც შეგიძლიათ დამოძღვროთ. ამიტომ, აქ შეწყვეტილი ჩემი ამ შეგონებით, გავაგრძელებ ჩვეულებრივ სწავლებას ნეტარი მოსეს სიტყვებიდან, ანუ — უკეთ რომ ვთქვა — სულიწმიდის სიტყვებიდან, რომლებიც მოსეს მეშვეობით ჩვენთვის არის თქმული, და თქვენს ყურადღებას თუნდაც მცირეს წარვუდგენ, დღევანდელ გამასპინძლებას მოგიწყობთ. ახლახან გსმენიათ, როგორ მიიღო...
დაბადებისა 27:42
41. და ძჳრსა უთქმიდა ესავ იაკობს კურთხევისა მისთჳს, რომლითა აკურთხა იგი ისაკ, მამამან მისმან, და თქუა ესავ გონებასა თჳსსა მოიწინენ დღენი სიკუდილისა მამისა ჩემისანი, და მოვკლა იაკობ, ძმაჲ ჩემი.42. უთხრეს რებეკას სიტყუაჲ ესე ძისა თჳსისა უხუცესისა. და მიავლინა და მოუწოდა ძესა თჳსსა უმრწემესსა და ჰრქუა მას: აჰა ესერა, ძმაჲ შენი ესავ გითქუამს შენ მოკლვად.43. აწ უკუე, შჳლო, ისმინე ჴმისა ჩემისა: და აღდეგ და წარივლტოდე შუამდინარედ ლაბანისა, ძმისა ჩემისა, ქარანად.
დაბადებისა თავი 27