...როგორ? სახარების მიერ, როგორც წერია: „სახარებითა მით“ (). ამისთვის ამბობს: „რომლისათჳს დადგინებულ ვარ მე ქადაგად და მოციქულად და მოძღურად წარმართთა“ (). რატომ ამბობს ამას გამუდმებით, როცა თავის თავს წარმართთა მოძღვარს უწოდებს? სურს დაარწმუნოს, როგორც ვთქვი, რომ საჭიროა წარმართებთანაც მიახლოება. ამიტომ ჩემს ტანჯვათა გამო ნუ დაეცემი სულით: დამხობილია სიკვდილის ძარღვები.
ამას ბოროტმოქმედივით კი არ ვითმენ, არამედ წარმართთა სწავლების გამო. ამასთანავე, ეს ტანჯვა სიტყვასაც სარწმუნოს ხდის. ამიტომაც ამბობს: „რომლისათჳსცა ესე მევნების, არამედ არა მრცხუნის. რამეთუ ვიცი, რომელი-იგი მრწმენა და მრწამს, რამეთუ ძალ-უც ვედრისა მის ჩემისა დამარხვად მერმესა მას დღესა“ ()....