თარგმანი: ესრეთ იტყჳს, ვითარმედ: ზემო თქუმულნი ესე ნიჭნი ყოველნივე ღმრთისა მიერ მამისა მოცემულ არიან ჩუენდა, რომელმან-იგი შუვამდგომელობითა ძისაჲთა დამიგნა თავსა თჳსსა, რამეთუ არა ჩუენ მივრბიოდეთ მისსა, არამედ მან თავადმან მიმიზიდნა ჩუენ, ჩუენთჳს სიკუდიდ განცემითა ძისა თჳსისაჲთა.
2 კორინთელთა მიმართ 5:18
17. არამედ რაჲ-იგი არს ქრისტეს მიერ ახალი დაბადებული; პირველი იგი წარჴდა, აჰა ესერა იქმნა ყოველივე ახალ.18. და ყოველივე ღმრთისა მიერ, რომელმან-იგი დამაგნა ჩუენ თავსა თჳსსა ქრისტე იესუჲს მიერ და მომცა ჩუენ მსახურებაჲ იგი დაგებისაჲ.19. რამეთუ ღმერთი იყო ქრისტეს თანა, სოფელი დააგო თავსა თჳსსა და არა შეურაცხნა მათ ცოდვანი მათნი და დადვა ჩუენ თანა სიტყუაჲ იგი დაგებისაჲ.
2 კორინთელთა მიმართ თავი 5