1 კორინთელთა მიმართ 15:26

თარგმანი: ვითარცა უკუანაჲსკნელ შემოსრულ იყო შემდგომად საეშმაკოჲსა განზრახვისა და ურჩებისა, ეგრეთვე უკუანაჲსკნელ მათსა განქარდების სიკუდილი, რომლისა ძალი აწვე დაჴსნილ არს, ხოლო სრულიად განქარვება მისსა არს, რაჟამს მკუდრეთით აღდგომილთა მათ სიკუდილი არღარა იყოს.

...იტად სიცოცხლე, სიკვდილისგან თავისუფალი და შეურეველი სიკეთეებით აღსავსე. ამბობს: „რაჟამს განაქარვნეს ყოველნი მთავრობანი და ყოველნი ჴელმწიფებანი და ძალნი“ (1 კორ 15:24); „უკუანაჲსკნელ მტერი იგი განქარდეს - სიკუდილი“ (1 კორ 15:26). როცა ესენი გაუქმდება, სამწუხარო რამ აღარაფერი რჩება: არც საზრუნავი, არც ტკივილი; ამიტომ ყველაფერი სიხარულია, ყველაფერი მშვიდობა, ყველაფერი სიყვარული, ყველაფერი სულის სიმხნევე და ყველაფერი მხიარულება, ყველაფერი ჭეშმარიტი, გულწრფელი და მტკიცე. რადგან იქ ამგვარი დაბრკოლებებიდან არაფერია: არც რისხვა, არც მწუხარება, არც ფულის სიყვარული, არც სხეულთა მიმართ ლტოლვა, არც სიღარიბე, არც სიმდიდრე, არც შეურაცხყოფა და არც სხვა რამ მსგავსი.

მაშ, ჩვენც ამ სიცოცხლეს ვესწრაფოთ და ყველაფერი ამისკენ მივმართოთ. რადგან ამისთვისვე გვებრძანება ლოცვაში ვთქვათ: „მოვედინ სუფევაჲ შენი“ (მათ 6:10), რათა მუდამ იმ დღეს მივაპყრობდეთ მზერას. რადგან ვინც იმ სიყვარულით...